Flatkökur - Alveg frábærar!!!

Flatkökur Hrútafjórðungsins – (Vædderens Kvarter) gatan okkar Ingu hér í DK ... Smile

300 gr. haframjöl
1.500 kg kíló hveiti
250 gr. Rúgmjöl
800 gr. kartöflumús
2 msk. Salt
4 tsk. lyftiduft
4 mtsk. sykur
1,5 ltr sjóðandi vatn (verður að vera sjóðandi til að bleyta vel upp í haframjölinu)

Dugar í ca. 35 kökur

Hnoða eins lítið og hægt er. Best er að nota uppþvottahanska þegar hnoðað er því vatnið er jú sjóðandi heitt. Fletja út í ca. 3-4 mm. Leggja disk á útflatt deigið sem er í svipaðri stærð og hellan og skera hringinn. Kökurnar eiga að vera frekar blautar, getur verið erfitt að ná þeim upp en það hefst með lagni og pönnukökuspaða. Ekki reyna að baka þetta á pönnu, það gefur ekki rétta bragðið. það verður að baka þær beint á rafmagnshellu (alls ekki spam eða hvað þetta nú heitir allt saman)Fjárfestu frekar í stakri rafmagnshellu (kosta ekki nema 2-3 þús.) það margborgar sig. Fýra hellu svo í Max og baka 30-45 sek á hvorri hlið, fer eftir þykktinni ...

Þess má geta að það hefur tekið okkur (Ingvar og Ingu) rúma 2 mánuði að þróa þessa uppskrift. En það var þess virði því þær eru bæði mjúkar og sérlega bragðgóðar. Næsti flatkökubakstur verður 20. feb. þá bökum við fyrir þorrablótið hér í Esbjerg!!!

Verði þér að góðu!!

Kveðja frá Esbjerg - IJ


Þetta er helst í fréttum ...

Langt síðan síðast ...

Nú eru hátíðirnar að baki og lífið er fallið í skorður aftur. Af mér er það helst að venjulegu skólahaldi er lokið hjá mér í bili. Nú er ég að vinna að lokaritgerðinni minni. Ég var svo heppinn að komast að í Idea-house með mína viðskiptahugmynd, sem skoða má hér án þess að ég vilji uppljóstra of miklu þar um.

Idea-house er consept sem styrkt er aðallega af eiganda Danfoss í Danmörku. Þau eru alls 7 í Danmörku og hér í Esbjerg sitjum við 7 saman og erum að vinna að okkar hugmyndum. Þar höfum við einnig greiðann aðgang að allri þeirri ráðgjöf sem hægt er að fá við stofnun, gangsetningu og rekstur fyrirtækja, allt án endurgjalds sem er náttúrulega algerlega frábært.

Aramotin 2008Hjá okkur er búið að vera gestkvæmt í meira lagi (sem er bara frábært!!!) Mamma og pabbi voru hjá okkur fyrir jólin, Jóhann Birgir og Kalli bróðir komu og voru yfir áramótin. Nils frændi var hjá okkur gamlárskvöld og nú eru Kristinn, Fríður og litla dóttir þeirra eru búin að vera hjá okkur í viku og fara snemma í fyrramálið. Svo koma Grímar bróðir og Gugga hans um helgina og síðast en ekki síst kemur mamma aftur 19. febrúar og verður í viku. Myndin hér er frá gamlárskveldi ...

Af elskunni minni er það helst að hún er að brillera í dönskuskólanum. Hún er þar 3 daga í viku og svo er hún ennþá að þrífa 3 hús í viku (fyrir utan sitt eigið að sjálfsögðu ... Sick.

Af Hjördísi er það helst að hún er orðin tvítyngd. Það er alveg frábært að fylgjast með þegar hún er að skipta á milli tungumálanna. Ef hún er spurð að einhverju á íslensku þá svarar hún á íslensku en ef hún er spurð á dönsku þá svarar hún á dönsku - ekkert vandamál þar.

Ásbjörn er kominn í Sönderis skólann, hættur í dönskukennslu og kominn í bekk með dönskum krökkum. Nú hjólar hann í skólann á morgnana en áður þurftum við að keyra hann. Hann er orðinn alveg fluðende í dönsku og er hinn kátasti með þetta. Í kvöld var Diskó-kvöld í skólanum og hann var ekkert smá spenntur að fara. Hann var nú samt ekkert á því að dansa mikið og ekki var inni í myndinni að kíkja á stelpurnar og af viðbrögðunum hans að dæma eru þær allar með holdsveiki ... Undecided Hann er byrjaður að æfa handbolta eins og stóri bróðir og fór að keppa síðustu helgi. Það var hann settur í markið og uni því vel.

Ég er með helv. helling af myndum sem ég heldi inn á næstu dögum. Þær eru uppi í Hugmyndahúsi, í tölvunni minni þar.

kveðja frá Esbjerg - Ingvar

 


Jólamyndir

Desember 2008 001Hæ allir. Var að setja inn 72 nýjar myndir. Jólaannállinn er í smíðum ...

Gleðileg jól og allt það!

Kv. Ingvar


Nýjar myndir

Fyrirsæta framtíðarNú erum við orðin ein í kotinu aftur og lífið komið í sínar skorður aftur. Mamma fór í dag með fyrri helminginn af jólagj-fum til ættingjanna og kemur svo aftur eftir mánuð og tekur restina ...

Ótrúlegur dugnaður í gömlu að ferðast þetta. Ég sagði Hjördísi yngri, þegar hún spurði um ömmu sína á leið heim úr leikskólanum í dag, að amma væri farin í flugvélina. Þá gretti sú litla sig, stundi og sagði: "ææjjiiii!!!!" af meiri innlifum en alki sem kemur að lokuðum bar!!! Enda langbesta amma í heimi ... Wink

Kossar og knús til allra!!!! - IJ


Fréttir frá Esbjerg ...

Héðan er það helst í fréttum að það hefur verið nokkuð gestkvæmt í nóvember. Hver gesturinn hefur elt annan og lýkur þessu í dag þegar heiðursgesturinn eða ætti ég kanski að segja heimalingurinn hún móðir mín sest hér að fram yfir helgi.

Af krökkunum er það að frétta að Hjördís er farin að tala mun meira en áður í setningum. Eina vandamálið er að hún er ekki að fatta það að danska og íslenska er ekki sama úngumálið og má því segja að hún tali Díslensku. En hverjum er ekki sama um það svo lengi sem hún skilur og er ekki misskilin. Hún heldur para áfram að ´"pústa" á matinn ef hann er of heitur og lætur okkur vita þegar hún er búin að búa til pulsur eða "lave pölser" sem er að kúka á leikskólamáli. Þá er spurning, ef þau búa til pulsur á leikskólanum, erum við fullorðna fólkið þá að framleiða bjúgur?? (Bara smá hugleiðing ... Smile)

Ásbjörn Ingi er kátur alla daga og er bæði kominn í skátana og farinn að æfa handbolta. Hann er mjög sáttur við lífið og tilveruna og er farinn að tala dönsku eins og innfæddur. Hann er viðalega mikið farinn að mannast og sem merki um það er hann farinn að yfirgefa sófann í hendingu þegar einhver kyssist á skjánum. Það finnst honum í meira lagi ósmekklegt, óviðeigandi og eiginlega bara ógeðfellt.

Sigrún mín er að blómstra líka. Hún tók upp á því að fara að prjóna og er orðin alveg "húkkt" á því helvíti. Það er meira að segja orðið svo slæmt að hún er farin að taka prjónaskapinn með sér í rúmið á kvöldin. Ég myndi nú ekki taka það helvíti í mál að öllu jöfnu en hef ákveðið að líta framhjá þessum ósið þangað til hún er búin með peysuna á mig. Ég fæ nefnilega að heyra það iðulega þegar ég kvarta yfir heimilisverksálagi og þúertekkiaðsinnakarlinumþínumnógumikið-væli að peysan á prjónunum sé handa mér. Ég hlakka bara til að hún klári hana svo heimilislífið falli í réttar skorður aftur. Svo er Sigrún í skóla frá mán-mið að læra dönsku. Hún er ekkert smá klár að verða. Fyrir hálfum mánuði fár hún upp um "level" og er algerlega að brillera í baunísku.

Hjá mér er prófundirbúningur skollinn á og það er nú líka ástæðan fyrir því að ég hef ekki verið mjög duglegur að blogga. En allt tekur þetta nú enda einhverntíman og endar þá  örugglega á besta veg.

Þannig er stemningin hérna hjá okkur. Allt í góðu, allir glaðir og lífið leikur við okkur. til allra vina minna (og okkar) vil ég minna á að mér þykir vænt um ykkur og það hefur gert líf mitt fyllra og innihaldsríkara að hafa kynnst ykkur. Lífið er til þess að njóta þess þó stundum blási á móti.

Erfileikar eru eldiviður framfara - Kveðja frá Esbjerg - Ingvar


Nokkrar myndir

Börnin okkar þrjú ..hahaHelst af okkur er það að frétta að síðustu helgi fórum við Sigrún niður til Köben, barnlaus og alslaus. Við höfðum þó hvort annað. Á laugardeginum fórum við á tónleikana með Bubba Morthens. Þar var líf og fjör og hrikalega mikið fyllerí á íslendingunum sem þar voru, það var nánast til skammar.

Hjá mér er vinnutörn skollin á sem lýkur nú líklega ekki fyrr en eftir jólaprófin. Ég og HJördís ætlum að skreppa til Íslands á fimmtudaginn og ætlum að vera í nokkra daga. Ég verð að skemmta þar um helgina. Þegar við komum til baka þá kemur Hrólfur vinur okkar með okkur og verður hjá okkur í nokkra daga. Svo kemur Þorgerður og verður hjá okkur í nokkra daga og að lokum kemur mamma og verður hjá okkur allt of stutt!!! Það er svo gott að hafa kellu hjá okkur.

Ég hennti inn nokkrum myndum frá því síðustu helgi og svo einnig að nýjasta meðlim fjölskyldunnar, varðkettinum ógurlega honum Elvis sem verður 12 vikna í vikunni. Hann á að passa húsið þegar við erum ekki heima. Hann sagði mér fyrrum eigandi að hann gæti hæglega malað þjófa til ólífis.

 Kveðja frá öllum í Esbjerg - Ingvar


Það er ekki öll vitleysan eins

Nú er tekið að harðna í ári hjá okkur hér útí Danmörku. Við erum nú heppin með það að vera í litlu bankaútibúi þar sem þjónustan er bæði góð og persónuleg því allt okkar fé er allt í bankanum heima og ekki nokkur leið að koma krónu hingað út Frown.

Til að bjarga okkur næstu vikurnar fórum við í bankann og fengum yfirdrátt án nokkurra vandamála þangað til leyst verður úr þessari flækju. En sömu sögu er ekki hægt að segja um alla hérna úti. Ég var að tala við vinkonu mína sem er í svipuðum sporum nema hvað að dagsskipunin hjá hennar banka var að íslendinga og allt sem íslenskt er á ekki að aðstoða eða lána fé og þannig er það víst hjá fleiri bönkum hef ég heyrt.

Þetta er vont mál. Það er búið að loka á debetkortin okkar og vísakortin þannig að ef þú ert ekki með haldbært fé þá ert þú bara upp á guð og götuna komin. Ég vona innilega að þetta fari nú að leysast.

Við erum í góðum málum og ekki þarf að hafa áhyggjur af okkur. Vetrarfríið er í gangi og ég er bara heima að læra. Sigrún fær hinsvegar ekkert frí í sínum skóla þannig að við ákváðum að fara ekkert í vikunni eins og upphaflega hafði verið planað.

Við ætlum þó að fara barnlaus niður til Kaupmannahafnar um helgina og vera 2 nætur á hóteli í sovna "Horny-moon". Helena vinkona okkar ætlat að vera hérna hjá okkur og hugsa um krakkana. Ég hlakka ekkert smá mikið til. Á laugardaginn ætlum við á Bubba-tónleika og svo ætlum við bara að vappa um borgina og skoða betlandi íslendinga á götuhornum ... Cool

Af daglega lífinu er það helst að frétta að við erum búin að vera í meira lagi þjóðleg síðustu tvær vikurnar. Við erum búin að baka rúgbrauð, steikja kleinur og nú síðast var búin til ekta íslensk kæfa til að hafa með rúgbrauðinu. Svona er þetta þegar maður er "bara" í skóla og hefur nægan tíma til að stússast í eldhúsinu.

Vonandi fer ástandið að batna heima á Íslandi. Við erum búin að taka þá ákvörðun að koma (kannski) heim eftir 3 ár, sumarið 2012. Ég sé ekki að maður hafi nokkuð að gera þangað fyrr ... Crying

Ég henti inn nokkrum myndum af okkur síðustu vikurnar.

Kveðja frá Esbjerg!! - IJ


Long time no see ... !!!

Já það er sko ekki satt sem upp á fólk er logið. Héðan er heill hellingur að frétta en ekki nokkur lifandi leið að ég nenni að blogga um það núna.

Þangað til þá verða myndirnar að tala sínu máli. Einhverjar eru teknar á Íslandi í síðustu viku (Ásbjörn og Sigrún fóru í réttir) en flestar eru síðan um helgina. Við fórum í frábæran dýragarð klukkutíma frá okkur og á opið hús eða ætti maður að segja "opið fjós" ... Smile

Þegar aðeins fer að róast í skólanum þá hendi ég inn nokkrum heitum slúðurfréttum héðan frá Danaveldi en það er sko af nægu að taka þar. Devil

Þangað til ... Kveðja - Ingvar


Danskir iðnaðamenn ... hahahaha!!!!

Ég veit ekki hvort ég á að hlæja eða gráta þegar ég segi frá þessu. Allavega er þetta hálfgert grín alltsaman alveg sama hvernig á það er litið, og þar við situr!!

Við erum búin að hafa yndislega gesti hjá okkur sl 2 vikur. Fyrst kom hún Helena með dóttur sína. Hún er að flytja hingað út og kemur til með að vera í skólanum með mér. Hún hafði ekki hugmynd um að Sigrún byggi hérna úti en þær voru saman í nuddskólanum.

Svo kom tengdó og var hérna í viku. Hún átti frábærar stundir með Sigrúnu og krökkunum. Ég sat nú heima flesta daga og var að skrifa kennslubækur fyrir NTV sem byrjað var að kenna eftir í dag. (Kláraði í gærkveldi) þannig að ég var nú minna með þeim.

Núna erum við aðbíða eftir að það verði klárað að setja upp nýja eldhúsinnréttingu hjá okkur en því ætti að ljúka fyrir jól (með þessu áframhaldi)

Til að gefa ykkur smá vísbendingu um hvað ég er að tala um þá er mjög rík virðing borin fyrir verksviði annara iðnaðarmanna. Timburmaður sker út fyrir vaskinum en setur hann ekki í, það gerir smiðurinn. Smiður skrúfar ekki fyrir vatn, það gerir píparinn. Smiður borar ekki gat í plötu fyrir rafmagnsdós, það gerir rafvirkinn og svona heldur vitleysan áfram.

Það er nú margt gott hægt að segja um dani og danska menningu og margt sem við ættum að taka til fyrirmyndar en verklag og framganga danskra iðnaðarmanna sýnist mér aðallega ganga út á samfélagslega félagshyggju og aumingjaskap.

Já maður verður pirraður þegar maður hefur ekki haft eldavélina tengda í átta daga og ekkert rennandi vant jafn lengi. Það eru takmörk fyrir því hvað hægt er að elda fjölbreytt fæði með gasgrilli og örbylgjuofn. Og fyrir þá sem ekki hafa reynt þá er það ágætis æfing í æðruleysi að vaska upp í baðvaski kvöld eftir kvöld.

 Stuð og stemning í Esbjerg - Ingvar (Nýjar myndir komnar inn)

 


Við erum flutt ... loksins allt klárt!

Öllu trillað á milli í rigningunniJæja þá er erilsamri viku að ljúka og ný að fæðast. Þessi vika hjá okkur hefur verið skemmtileg. Við erum búin að flytja frá Vædderens Kvarter 270 yfir í númer 122. Nú erum við komin niður á jarðhæð og erum kominn með garð.

Við ákváðum þegar við fluttum að sækja stax um flutning í aðra íbúð á jarðhæð. Þegar við sóttum um vorum við númer 3 í röðinni þannig að við vissum að við fengjum það fljótlega í gegn. Það gerði það að verkum að við kláruðum aldrei að koma okkur fyrir hinumegin vitandi það að við myndum flytja aftur á næstu mánuðum. Og það kom á daginn.

Nú erum við kominn í þá íbúð sem við ætæum okkur að vera í næstu fjögur árin, ef allt fer að óskum.

Tvennt stendur uppúr eftir vikuna. Við erum ekki bara búin að flytja búslóðina á milli heldur erum við búin að mála báðar íbúðirnar líka. Þegar ég segi við þá er ég ekki bara að meina mig og Sigrúnu heldur líka okkar frábæru vini og nágranna. Við erum nefnilega svo heppin að hafa eignast æðislega vini og félaga hérna í götunni sem hafa verið okkur ómetanlega hjálpsöm alla vikuna. Okkur var boðið í mat á hverju kvöldi, alltaf voru einhverjir að hjálpa við að mála, þrífa og flytja og börnin okkar gengu á milli húsa því að foreldrar þeirra voru alltaf á fullu og höfðu engan tíma til að sinna þeim Crying.

Mig langar að nota tækifærið hérna og þakka ykkur öllum fyrir ómetanlega aðstoð og hjálpsemi. Það er mikil gæfa að eiga vini eins og ykkur , kossar og knús!!! (til ykkar stelpnanna!! Halo)

Annað er vert að minnast á sem einnig gerðist í vikunni. Við Sigrún vorum að þvælast á dba.dk sem er smáauglýsingavefur og rákumst þar á ansi hreins gamalt píanó sem var gefins fyrir þann fyrsta sem nennti að sækja það. Þetta var fólk sem átti svo mikið af peningum að það vildi bara losna við það af því að það "passaði" ekki lengur við það sem var í stofunni hjá þeim.

Til að gera langa sögu stutta þá fórum við Kristinn nágranni minn á jeppanum hans og leigðum okkur kerru og keyrðum fórum í 5 tíma ferðalag og náðum í helv. píanóið. Nú er það nýjasta stofustássið eins og sést á myndinni sem ég setti inn ásamt nokkrum öðrum.Antik píanóið

Gott í bili frá Esbjerg - IJ 


Hitabylgja

Feðginin saman á leið heim úr leikskólanumEr ekki alltaf sagt að grasið sé grænna öðru megin???  Smile

Við fórum í útilegu fyrir helgi og sáum fyrir okkur sólríka ferð með miklum sólböðum og látum. Veðurspáin var á þá lund að það átti að vera sól, sól og meiri sól.

Til að gera langa sögu stutta þá var þetta æðislegt fyrsta daginn, ekki svo frábært næsta dag og svo þriðja þaginn vorum við farin að dansa regndans á kvöldin í þeirru veiku von að gula fíflið færi nú að láta sig hverfa.  Devil

Svo endaði þetta með því að við slaufuðum útilegunni fyrir tíman vegna hita. Við gátum okkur hvergi skýlt. Það var of heitt úti og hreint morð að hanga inni í tjaldi og ekki var óloftkældur bíllinn skárri.

Það er annaðhvort í ökkla eða eyra. Í dag fór hitinn á svölunum í 34° í forsælu og ég sit hér á naríunum að mundast við að vinna. Við reynum að fara niður á strönd seinnipartinn þegar lofthitinn í íbúðinni er orðinn þannig að það er farið að sjóða á flestum.  Crying

En ekki erum við að kvarta. Flestir eru orðnir brúnir og sætir nema ég, ég er bara brúnn. Lífið leikur annars við okkur og okkur er farið að hlakka til að fá afhenta nýju íbúðina okkar eftir viku.

Svo fengum við þær fréttir að Áslaug (mamma Sigrúnar) ætlar að koma til okkar í ágúst og vera heila viku og hlakkar okkur til að fá hana.

Kveðja frá Esbjerg - IJ

Ps. Nýjar myndir!!!


Frábær vika hjá okkur ...

Tjaldið góðaÞað er mikið búið að vera um að vera hjá fjölskyldunni síðustu viku. Amma kom í fimm daga í síðustu viku. Svo ákváðum við að taka okkur nokkurra daga frí og fara á vit ævintýranna.

Þar sem við erum námsfólk var ákveðið að taka ódýru leiðina og við fjárfestum í tjaldi og vindsængum og fórum á stað á Clio gamla út í náttúruna.

Við komumst að því að tjáldsvæðin í Danmörku eru algerlaga að gera sig. Þar er allt til alls og rúmlega það. Á tjaldstæðinu sem við fórum á voru til að mynda 3 eldhús með öllu (myndir fylgja) og minigolf og hoppukastalar og rafmagn og þráðlaust net og verslun og strönd og og og og ...

Þetta verður fastur liður hjá okkur á meðan við erum hérna úti. Og næsta sumar er hugmyndin að taka 3 vikur og keyra með tjaldið og vindsængurnar niður til Evrópu. Ítalíu, Frakkland, Holland, Þýskaland, Austuríki og Sviss, og svo Pólland fyrir afganginn. Grínlaust þá er þetta alger snilld og hund-ódýrt.

Helgin hjá okkur hefur verið gestkvæm. Við fengum til okkar frændfólk frá Bessó. Bræðurna Einar og Palla, konur þeirra beggja og börnin þeirra fimm. Palli og co. voru hjá okkur í nótt og eru nýfarin heim í Sönderborg þar sem þau búa.

Fimmtudaginn síðastliðin fengum við íslenska nágranna sem voru að flytja hingað út í nám. Þau eru með 2 börn, þriggja ára stelpu (algert krútt) og jafnaldra Ásbjörns. Það þótti mínum manni ekki leiðinlegt.

Meira í næstu viku! - Hellingur af nýjum myndum! - IJ 


Hæ allir!

sale50_title3Héðan úr veldi dana er það helst að frétta að amma er í heimsókn og útsölurnar eru byrjaðar! Tounge

Þetta er hættuleg blanda. Nú fara þær saman að morgni og heimta heitan mat þegar þær koma heim að kveldi. Ég hef reynt að ná af þeim kortunum en þær eru alltaf 2 skrefum á undan mér, þessar elskur!!!

Kveðja - IJ

Ps - Hennti inn nokkrum myndum í gær!


Allt er að fara til andskotans og allt bitnar það á mér!!!

simpsons-good-evil-homerÉg er búinn að koma til Íslands alloft frá því að við fluttum hingað út í nám. Síðast var ég þar síðustu helgi og það er fyrst núna sem ég er að komast yfir það sem ég upplifði. Mikið ofboðslega er þjóðarsálin í miklum sárum. Þvílík vanlíðan. Þar sem fleiri en einn kom saman í hóp upphófst nánast undantekningalaust mikill hópgrátur yfir þeirri stöðu sem komin er upp. Það er líka allsérstakt að verða vitni af því að biturleikinn og neikvæðnin beinist nánast alltaf að einhverjum öðrum. Olíufélögin eru allt að drepa eða ríkisstjórnin. Litlu strákarnir í bönkunum eru búnir að skíta upp á bak og áfram heldur gráturinn.  Crying

Aldrei heyrir maður einhvern segja: ”Ég hefði nú átt að fara aðeins hægar í sakirnar!” Nei, flestir virðast vera fórnarlömb mikils óréttlætis og yfirgangs utanaðkomandi afla sem hafa ekkert með eigin ákvarðanir að gera. Þvílíkt andskotans bull! Ég lít svo á að þetta hafi ekkert með aðra að gera. Við stjórnum algerlega eigin líðan og það er undir okkur komið hvort okkur líði vel eða illa, sama hverjar ytri aðstæður eru. Þó það geti verið sárt og erfitt fyrir egóið hjá mörgum þá verðum við alltaf að standa og falla með þeim ákvörðunum sem við tökum hverju sinni.

Ég bloggaði um það í fyrravetur hvernig ég trúi því að líf okkar stjórnist af tveimur ógnaröflum. Í sinni einföldustu mynd er hægt að kalla þau hið góða og hið illa. Nú er ég ekki að tala um Guð og Skrattann þó svo að það hafi hjálpað mörgum að setja þetta í það samhengi. Eins og ég sé þetta fyrir mér eru þetta tvö aðskilin öfl innra með hverjum og einum, sem hafa alltaf verið til staðar og munu alltaf vera til staðar. Það sem mér finnst frábært við þessa myndlíkingu er einfaldleikinn. Halo Devil

Ef hið illa hefur verið alið á kræsingum eins og ótta, neikvæðni, kvíða, afbrýðisemi, reiði, lygum og jafnvel hroka og sjálfumgleði má fastlega búast við því að það búi yfir styrk til að halda hinu góða bældu í langan tíma.  Þannig held ég að sé statt með þjóðarsálina á íslandi í dag. Hún er í sjálfsköpuðum vítahring að sligast undan eigin svartsýni og neikvæðni.

Það skiptast alltaf á skin og skúrir og eftir bjartan daginn kemur nótt. Það eru til æði margar myndlíkingar þegar kemur að jafnvægi í lífinu. Ein myndlíkingin líkir lífinu við árstíðirnar og mætti því segja að nú væri skollinn á kaldur vetur á íslandi, allavega hvað andlegu hliðina varðar. Eitthvað segir mér að þetta verði langur vetur því allt of margir gleymdu að leggja fyrir hluta af uppskeru sumarsins á meðan aðrir fengu lán út á fræin sem þeir áttu eftir að sá.

Ég var í hringiðunni sjálfur í mörg ár. Ég veit hvernig líðan það er að eiga ekki fyrir afborgunum af brothættri ímyndinni útávið. Nú síðast var komið á planið bæði mótorhjól, húsbíll, jeppabíll, konubíll og allur pakkinn. Við vorum bara svo heppin að sleppa úr hringiðunni áður en veturinn skall á heima og hjólin hættu að snúast réttsælis og fóru að snúast afturábak. En til þeirra sem eru á barmi örvæntingar og trúa því að það sé öðrum að kenna, langar mig að deila af eigin raunum.

Til að snúa lífinu til betri vegar þannig að tilveran hætti að snúast rangsælis þarf að byrja á því að rækta garðinn heima. Með því að líta í eigin barm og byrja að taka ábyrgð á sjálfum sér og þeirri stöðu sem maður er í þá fer hið ytra fljótlega að bera þess merki.

Allt sem áður var hálftómt fer að sýnast hálffullt. Ekki taka of stór skref. Byrja á litlum skrefum og litlum hlutum. Með því að gera litla jákvæða hluti á hverjum degi, hrósa einhverjum fyrir að líta vel út, faðma konuna að óvörum og þakka fyrir það sem maður hefur í stað þess að girnast það sem maður á ekki er allt sem þarf til að snúa þrálátri vanlíðan yfir í óþolandi jákvæðni, ef svo má að orði komast. Það er erfitt að trúa því að þessir litlu hlutir hafi svona mikil áhrif. Wink

Ég trúi því að í hvert einasta skipti sem maður fóðrar hið góða í sjálfum sér með jákvæðum hugsunum eða lætur eitthvað gott af sér leiða er skili það sér andlegri fullnægju, hamingju sem þarf ekkert að greiða fyrir. Er það ekki það sem við erum öll að leita að, allan daginn alla daga, vellíðan og andlegri fullnægju? InLove

Kveðja frá Esbjerg - IJ 


Persónulegir þankagangar og innhverfar ígrundanir ...

c_documents_and_settings_raggi_og_berta_desktop_weight_-cartoon_scale_1Þetta verður öðruvísi blogg í dag. Ég er mikið búinn að hugsa síðustu vikur um það hvernig mér líður og hvort ég sé sáttur við það sem ég er að gera og þann farveg sem líf mitt er í dag. Svarið við þeirri spurningu er nú ósköp einfalt (og nú byrjar fagurgalið Blush!)

Ég er mikið sáttur. Mér gengur vel í náminu. Fjárhagslega ná endarnir alveg saman og meira að segja skarast aðeins og af öðrum í fjölskyldunni er sömu sögu að segja. Við erum á þeim stað í lífinu sem við erum leynt og ljóst búin að stefna að í langan, langan tíma, sem hlýtur að teljast sigur í baráttunni við örlögin.

Samt er eitt atriði sem er búið að vera að naga undirmeðvitundina leynt og ljóst síðustu vikur og nú er kominn tími fyrir mig að hleypa þeim vangaveltum fram í dagsljósið til þess að sjá þær í réttu ljósi. Ég hef trú á því að með því að deila þeim með þeim sem þetta nenna að lesa sé ég um leið að fyrirbyggja það að ég fresti þessu öllu lengur og andskotist af stað þá vinnu sem bíður mín.

Ég held að loksins núna sé ég sé ég tilbúinn í þessa vinnu. Allavega hefur það sótt mjög að mér sú hugsun að til þess að yfirstíga þá andlegu hindrun sem ég stend frammi fyrir í þag þurfi ég að snúa mér beint að kjarnarnum. Mér líður stundum eins og ég geti ekki lengur treyst sjálfum mér og því sem ég lofa sjálfum mér. Nú þarf ég að finna aðrar leiðir til að byggja upp sjálfs-traustið svo ég geti haldið áfram að þroskast og læra.

Síðan Davíð Oddson tók við borgarstjóraenbættinu í Reykjavík hef ég verið í stöðugri baráttu við viktina. Hún vil meina að ég sé talsvert yfir þeirri þyngd sem æskilegt er. En af hverju á ég að vera að vera að æsa mig yfir því? Jú – ég eins og flestir læt of oft stjórnast af skoðunum annara og áliti. Af hverju að velta sér upp úr því? Jú vegna þess að það er í eðli okkar allra að sækjast eftir samþykki og forðast gagnrýni. Með örðum orðum, við sækjum alltaf í vellíðan og viljum forðumst vanlíðan.

Þar myndast oft spenna á milli hins góða og illa sem í mér býr og þeirra aðstæðna sem ég skapa þegar ég stend með súkkulaðistykkið í hendinni, vitandi það að það muni færa mér talsverða vellíðan á meðan ég treð því í andlitið á mér þangað til ég hugsa ”helvítis aumingi er ég að hafa ekki meiri sjálfsstjórn en þetta!!!!”

Ég trúi því að það séu engin takmörk fyrir því hvað lífið hafi upp á að bjóða. En til að komast að því sjálfur kemst ég víst ekki hjá því að fara í smá kjarnavinnu með sjálfan mig og spyrja sjálfan mig spurninga sem kasti ljósi á þá hluti sem ekki hægt er að svara á yfirborðinu. Einhverstaðar las ég að ef þér líkar ekki við svörin sem þú færð þá skaltu spyrja betri spurninga.
Nú ætla ég að breyta þeirri þrálátu hugsun minni að léttast til þess að líta betur út og fara að einbeita mér að því:

  • Að ég verði heilbrigðari manneskja. Ef ég einbeiti mér að verða heilbrigðari þá kemur allt annað að sjálfu sér.
  • Að læra að elska og bera virðingu fyrir umbúðunum sem mér voru úthlutaðar.
  • Að lifa lengur svo ég geti tekið þátt í lífi barnanna minna og barnabarna á annan hátt en ég myndi gera feitur, sveittur, þreyttur eða dauður!!!
  • Að kalla fram augnaráð hjá konunni minni sem segir – ”Mig langar í það sem ég sé!” í stað þess að það segi ”Úff, það er víst ekkert annað í boði! J

Með því að setja þetta fram á þennan hátt er ég að vinna í kjarnanum og því sem skiptir mig mestu máli. Þannig get ég, með því sem ég geri í dag, tryggt að framtíðin verða að þeim veruleika sem ég kýs því lífið er eins og búmerang. Allt það sem ég kasta út í lífið í dag mun koma til mín aftur í framtíðinni. Kannski í öðru birtngarformi og líka þegar ég á síst von á því. Með því að láta gott af mér leiða í dag veit ég að það muni skila sér í góðu einhverntíman, það skiptir ekki máli hvenær. Það sem skiptir máli er að vera búinn að sá fræjum sem einhverntíman í framtíðinni koma til með að blómstra.

Ég er fullviss að þau tækifæri sem felast í framtíðinni verði bæði fleiri, stærri og meira spennandi en ég get gert mér í hugalund í dag. Það eina sem ég get gert þangað til er að gera eins vel og ég get í þeim verkefnum sem fyrir mér liggja þangað til þannig að þegar stóra tækifærið bankar uppá verði ég undir það búinn.

Þangað til - Kveðja frá Esbjerg - IJ

 

Búinn í prófum og kominn í sumarfrí!!!

16_05_62---Rain_webJæja þá er þessu lokið í bili. Prófin yfirstaðin og sumarið komið ... eða farið???? Það er búið að vera frakar gott veður núna í 3 vikur og núna þegar ég er búinn í prófunum og klár á ströndina spáir rigningu næstu níu daga!!! Ha, ha, ha!!!! LoL

Það skiptir nú samt engu máli. Ég og konan finnum okkur eitthvað að dunda í rigningunni. Ég er með nokkrar bækur á kantinum sem mig langar að lesa, þ.e. annað en skólabækur.

Svo er ég líka búinn að fá vinnu í sumar. Tók að mér að skrifa tvær kennslubækur fyrir MS-office. Það er flott, ég get nú aldeilis notað rigningardagana í það!  Cool

Annars eru allir hér í frábærum fíling. Við erum að fara til Köben um helgina. Ætlum að vera þar fram á mánudag, þá kemur Jóhann Birgir og verður hjá okkur í tæpar tvær vikur áður en hann fer til Svíþjóðar að keppa í handbolta!!!

Stuð og stemning í Esbjerg!!! - IJ


Nýjar myndir komnar inn

Klár til að fara á ströndina 7. júníÞað er laugardagsmorgunn og þrír dagar í próf. Ég er uppi að lesa. Úti er 29° hiti og allir farnir á ströndina, óóóó nema ég!!!!! Cool Myndin er tekin af hinum varska hóp strandfara í morgun ... Smile

En það er í góðu lagi! Ég sit og moka í mig fróðleik af ýmsu tagi sem á örugglega eftir að nýtast mér einhverntíman í framtíðinni. Þrír dagar og svo er málið dautt.

Ég setti inn nýjar myndir sem hafa verið teknar bæði hér úti og á Íslandi síðustu 3 vikur.

 Kveðja úr sólinni í Esbjerg - IJ


Rugl með meiru!!!

Það er eflaust margt gott hægt að segja um þennan ágæta mann en ég held nú að Sturla sé ekki beittasti hnífurinn í skúffunni!!!!!

En ég verð nú að fá að viðra þá skoðun mína að sem talsmaður vörubílsjóra finnst mér hann búinn að gera ferlega vonda hluti. Hann er varla talandi, mjög málefnarýr og röreygður á almenna skynsemi, sé nú ekki minnst á heilindi.

Mér finnst með ólíkindum að maður sem þóttist ekki kannast við "félaga" sinn (Ágúst Fylkisson sem gaf löggunni á kjaftinn) ætli nú að fara fremstur í flokki jafningja í stjórnmál. Það sýnir bara hvaða mann hann jefur að geyma að afneita félaga sínum bara af því að það hentaði honum á þeim tímapunkti Hvar eru heilindin hjá Sturlu?

Ég myndi ekki treysta þessum manni fyrir ruslapokanum úr eldhúsinu hjá mér, hvað þá fyrir einhverju sem skiptir máli.

Kveðja frá Esbjerg - IJ


mbl.is Sturla stofnar nýjan stjórnmálaflokk
Tilkynna um óviðeigandi tengingu við frétt

Vika í prófin og allt að gerast ...

Við vorum að koma til DK í gær eftir 10 daga dvöl á Íslandi. Ég reyndar fór heim á milli til að klára skólann. Nú er ég búinn að fara 12 ferðir til landsins til að veislusjórast og alveg búinn að fá nóg af því í bili. Við fáum líka námslán frá og með júlí þannig að þá koma inn einhverjar tekjur aðrar en veislustjórn. Við vissum alltaf að fyrsta árið yrði ekkert auðvelt en það hafðist af. Þar sem er vilji má alltaf finna veg! Tounge

Prófin í skólanum hjá mér eru með all-sérstöku sniði. Við erum búin að vera í 7 fögum í vetur og erum prófuð í þeim öllum í einu, eða þannig ... Einum sólahring fyrir próf fáum við að vita hvaða 3 fögum er prófað í af þeim 7 sem við vorum í . Svo förum við í 6 klst. próf sem er eina prófið það árið.

Nú sit ég því sveittur og er að lesa í öllum 7 fögunum því maður veit jú ekkert hvaða fög eru til prófs, það er alltaf misjafnt á milli ára. Ég vona bara að það verði ekki viðskiptalögfræði, hmmmm!!!!

Annars er allt gott að frétta af okkur. Úti er 29 stiga hiti og sól og er það spáin fram yfir helgi. Ég sit með stóra viftu í bakið og er að læra ... viðskiptalögfræði!!!! Cool

Haukur bróðir hennar sigrúnar er hjá okkur núna og verður til 13. júní. Þá ætlum við að fara í smá ferðalag til Svíþjóðar í nokkra daga í lilefni prófloka. Svo kemur Jóhann minn í 10 daga og þá höldum við áfram að njóta, gera og græja.

 Stuðkveðjur frá Esbjerg!!! - IJ

 


Kominn tími á STOPP!

staða margra hafi versnað eftir að bankarnir stöðvuðu útlán í vetur??? Eitthvað bogið hér!!

Fólk viðist ekki vita hvenær á að stoppa þannig að bankarnir eru að bjarga þessu fólki. Ég skil ekki hvernig hægt er að halda því fram að bankarnir geti gert stöðuna verri með því að hætta að lána því. Ég lít á það sem björgun að hætta að lána því meiri peninga. En svo þurfa þeir líka að vera fólkinu innan handar með skuldbreytingar þannig að fólk nái sér út úr skítnum sem það er búið að koma sér í.


mbl.is „Alvarlegt hve margt ungt fólk er illa statt“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband